2016 жылдың 22 тамызында Абайдың мемлекеттік қорық-мұражайы ақын, Абайдың ақындық дәстүрін жалғастырушы  Шәкір Әбенұлының 115 жылдығын атап өтті.

  Құндызды ауылындағы ақынның мұражай-үйінде шараның салтанатты ашылуы басталып, ақын рухына арналған жырлар оқылды. Мерейлі шараға қатысушылар  мұражай экспозициясын тамашалап, ақынның шығармалары, жеке тұтынған заттарымен танысты.

  Сағат 12.00-де абыз ақынға ас беріліп, жалғасында ат жарысы, қазақ күресі мен ұлттық ойындар ұйымдастырылды.

  Кешкі сағат 20.00-де Құндызды ауылының жастар саябығында «Қаламқас» ән-би ансамблінің қатысуымен мерекелік концерт, би кеші өткізілді.

  Шараға ауыл ақсақалдары, ақын ұрпақтары мен мектеп оқушылары қатысты.