name

8 (7222) 52-38-52, 52-24-22

ШҚО, Семей қаласы, Интернационал көшесі, 29

KZ RU EN
« Назад

«ДАНА МЕН ДАЛАНЫ ДӘРІПТЕГЕН» 16.10.2017 16:05

  DSC_0161Абайдың «Жидебай-Бөрілі» мемлекеттік қорық-музейі 16 қазан күні ҰҒА академигі, медицина ғылымдарының докторы, профессор, Қазақстан суретшілер одағының мүшесі Мақаш Тыныштықбайұлы Әлиакпаровтың 80 жасқа толуына орай «Дана мен даланы дәріптеген» атты көрме және мәдени-танымдық кеш ұйымдастырды. 

 Кеш Абай қорық-музейінің директоры Б.Жүнісбековтің құттықтау сөзімен ашылып, мерейтой иесіне шапан жабылып, құрмет көрсетілді. 
Шараға Шәкәрім атындағы Семей мемлекеттік универсиетінің ректорыDSC_0052 М.Ескендіров, ф.ғ.д., профессор А.Еспенбетов, «Шәкәрімтану» орталығының директоры А.Смағұлова,   Жарма ауданының ішкі саясат бөлімінің басшысы М.Матанов,қатысып, ыстық лебіздерін білдірді. 
Мақаш Тыныштықбайұлы медицина ғылымының докторы, профессор, академик болса да дүниеге суретші болып келген. 1960 жылдан бастап ол сурет, портреттер, пейзаждар, картиналар сала бастады. Ешқандай арнайы білім алмай-ақ өмірге деген өз көзқарасы бар, өзіндік шығармашылық әдіс-тәсілі бар, қоршаған ортаны бейнелейтін өзіндік сара жолы бар суретші болды.
«Ұлы Абай мен Шәкәрім әлемі – менің басты тақырыбыма айналды. Сонау 1975 жылдан бері осы тақырыппен үздіксіз айналысып келемін. Абай мен Шәкәрім аталарымыз, олардың айналасы, үлгі тұтарлық өнерлері мен рухани ой әлемдері жайлы біршама шығармаларым өмірге келді, әлі де келе бермек. Бұл тақырып-менің өмірлік бойтұмарым секілді», - дейді Мақаш Тыныштықбайұлы өзінің шығармашылығы туралы.
1970 жылдан бастап Мақаш Әлиакпаров Абай музейімен тығыз байланыста. Суретшінің 17 жұмысын 1975 жылы Абай музейі өз қорына алды. 
DSC_0029Егер М.Әлиакпаровтың шығармашылық дәстүрі туралы айтатын болсақ, онда оны қоғамның күрделі құбылыстарды көрсеткен туындылары, монументалды суреттері болмаса да, оны тарихи суретші деп тануға болады. Ол тарихымыздың тұлғасы, бас ақынымыз Абай тақырыбына келіп, сол арқылы бізге тағы екі ақынды – Шәкәрім мен Ахатты танытты.
Көптеген суреттер сериясын Шәкәрімге арнады, сонымен Шәкәрімнің тағдыры мен шығармашылығын ең алғашқы зерттеушілердің бірі болды және оны насихаттау мақсатында Қарағанды қаласында жеке шығармашылық өнер /сурет/ галереясын ашты. 
DSC_0107Талантты суретші Мақаш Тыныштықбайұлы Әлиакпаровтың дербес көрмелері Семейде, Қарағандыда, Алматыда, Астанада, Москвада және Италияның Милан қаласында үлкен табыспен өткен. Оның картиналары Қазақстанның бірқатар картина галереяларына қойылған. Суретшінің шығармашылығы туралы каталогтар мен репродукциялар альбомдары жарық көрген. 
Абай қорық-музейінің көрме залында Мақаш Әлиакпаров коллекциясынан Абай, Шәкәрім тақырыбындағы 90-нан астам туындылары көрермендерге ұсынылып отыр.DSC_0137
Танымдық шараға Ә.Қашаубаев атындағы Семей мемлекеттік филармониясының әншілері Б.Омаров, С.Мұхамедсадықов, Б.Түктібаев және «Абай» өнер мектебінің шәкірттері қатысып, өз өнерлерін жиылған қауымға паш етті