АБАЙДЫҢ "ЖИДЕБАЙ-БӨРІЛІ"

МЕМЛЕКЕТТІК ТАРИХИ-МӘДЕНИ

ЖӘНЕ ӘДЕБИ-МЕМОРИАЛДЫҚ

ҚОРЫҚ-МУЗЕЙІ

 

 

 

KZ RU EN

Қазір спорт дегеніңіз шоуға айналып барады -

Арыстанбек Мұхамедиұлы

  20181116191619АСТАНА. ҚазАқпарат - Қазақстан мен Қырғызстан көкпаршыларының серкені қазандыққа немесе шеңберге салуға қатысты ойы екіге жарылған болатын. Бұл сұрақ Арыстанбек Мұхамедиұлы мен Мұхтархан Ділдәбековтың бүгінгі кездесуінде де көтерілді, деп хабарлайды ҚазАқпарат тілшісі. «Көкпардың қазандығы туралы айтып жатырмыз ғой. Қазандыққа салу немесе салмау туралы көкпар ойнайтын әр мемлекеттің өз ережесі бар. Көкпар ғана емес, әр спорттың өзіндік қатері бар екенін ескеру керек. Шаңғы болсын, биікке секіру болсын - әр спортта қауіп аз емес. Сондықтан, менің ойымша, егер қазандыққа салу туралы шешім шығып жатса, оны трагедия қылудың 20181116160524қажеті жоқ», - деді Арыстанбек Мұхамедиұлы «Көкпар» федерациясының президенті Мұхтархан Ділдәбековпен кездесу барысында. Министрдің айтуына қарағанда, бір кездері жабық өтетін ММА сайыстары қазір үлкен чемпионаттарға ұласып кеткен. «Былай қарасаңыз, Токиодан кейін ММА Олимпиада спорт түрлерінің қатарына да кіруі мүмкін. Қазір спорт шоу болып бара жатыр. Бұрын теледидарда музыкалық арналар көп еді, қазір көбісі спортқа қызығады. Бүгінгі таңда спорттың барлық түрлерін халыққа қызықты ету үшін күрделі дүниелер жасап жатыр. Сондықтан, халықаралық қауымдастықпен келісіп, алға жылжу керек», - деді министр.   Еске сала кетсек, бүгін ҚР Мәдениет және спорт министрі Арыстанбек Мұхамедиұлы «Көкпар» федерациясының президенті Мұхтархан Ділдәбековты қабылдап, кездесу барысында көкпардың келешегі, алдағы жарыстарға дайындық мәселесін талқылаған болатын.

Димаш орысша қойылған сұраққа қазақша жауап берді

  58ab1081abc94fde90e488ffa54b6ad1Мәдениет және спорт министрімен кездескен әнші Димаш Құдайберген қазақстандық журналистердің орыс тілінде қойылған сұрақтарына қазақша жауап берді, деп хабарлайды Sputnik Қазақстан. 

  Бүгін мәдениет және спорт министрлігінде Димаш Құдайбергеннің 19 қарашада Лондонда өтетін жеке концертіне дайындық барысы талқыланды. Кездесу барысында БАҚ өкілдері жас әншіге екі тілде сұрақтар қойды

  Бірнеше тіл меңгерсе де, Димаш барлық сұраққа тек ана тілінде жауап берді.

   «Рұқсат болса, мен қазақша жауап берейін. Қазақстандамыз», — деп сөзін бастады ол. Димаш 19 қарашада Лондонда өтетін жеке концертінде 30-ға тарта ән орындалатынын айтты.

   «Жанды дауыста, оркестрмен… Дайындық жоғары деңгейде жүріп жатыр. Әлбетте, менің концерттерімде, шетелде болсын, Қазақстанда болсын, міндетте түрде қазақтың халық әндері орындалады. Өйткені, қазақтың ірі тұлғалары менің кіндік қаным тамған жерде тың дүниелерді жарыққа шығарды. Біздер, әншілер, соны мүмкіндігінше насихаттауға тырысуымыз керек. Сондықтан Лондонда қазақтың әні көптеп шырқалатынына күмән келтірмеңіздер», — деп сендірді әнші.

Сондай-ақ, ол репертуарында жаңа әндер де барын айтты.

«Бұл әзірге құпия, ертең концертте көрермендер бірінші болып естігенін қалаймын», — деді Димаш.